Wufuud gaartay Baladweyne
-
- Posted On 24-07-2016, 02:17PM
BALADWEYNE, Hiiraan- Wafdi uu hogaaminayo guddoomiye ku-xigeenka labaad ee Barlamanka Somalia Mahad Cabdalla Cawad ayaa maanta gaaray magaalada Baladweyne xarunta gobolka Hiiraan halkaasoo ay ka socoto qaban qaabashada caleema saarka Ugaas Xasan Ugaas Khaliif.
Xubno isugu jiray wasiirro, Xildhibaano, Odoyaal dhaqameeda iyo bulshada rayidka ah ayaa tagay magaalaadaasi kuwaasoo doonayay inay goob joog ka noqdaan caleema saarka ugaaska oo lagu wado inay maalinta Barri ah qabsoonto.
Ammaanka degmadaasi ayaa aad loo adkeeyay waxaana la dareemayaa qaban qaabashada caleema saarka.
Ugaas Xasan ayaa bedelaya walaalkiis Ugaas Cabdiraxmaan oo horaantii bishii Janaayo ee sanadkan ku geeriyooday magaalada Beledweyn, waxaana la sheegay in beesha uu kasoo jeedo isku raacday in kastoo goor sii horraysay warar soo baxay sheegayeen in la boqri doono wiil uu dhalay ugaaska geeriyooday.
Ugaaska la caleema saari doono ayaa kamid ah dadka al fikirka ah duub dhaqameedka kasoo horjeedo qorshaha IGAD ee ah inay la midoobaan Shabeellaha dhexe, waxayna caleema saar kadib guda gali doonaan dhismaha maamul u gooni ah sida uu dhawaan shaaciyay Afhayeenka dub dhaqameedka gobolka Hiiraan.
GAROWEONLINE
