Xarun ay leedahay Al-Shabaab oo la duqeeyay
-
WARIYAHA MUQDISHO GAROWE ONLINE
- Posted On 19-01-2021, 04:21AM
MUQDISHO, Soomaaliya - Taluska Mareykanka ee qaaradda Afrika ayaa sheegay in uu 18-kii Janaayo, 2020 uu duqeeyay xarun AlShabaab ay ku lahayd degaanka Tiyeeglow ee gobolka Baay ee mamulka Koonfur Galbeed.
Sidda lagu sheegay qoraal kasoo baxay AFRICOM, howlgalkaas waxaa lagu dilay hal maleyshiyo oo ka tirsan dagaalamayaasha Al-Shabaab.
"Qiimeynta aan illaa haatan sameynay waxay muujineysaa iin aysan jirin waxyeelo shacab kasoo gaarey duqeyntaas," ayaa la raaciyey warka qoraalka ah.
Dowladda federaalka Soomaaliya ayaan wali ka hadlin duqeyntaas lala eegtay maleyshiyadda hubeysan.
Xoogaga gacansaarka la leh shabakada Al-Qaacida ayaa dhankooda waxa aysan wali ka falcelin sheegashada Washington.
"AlShabaab waxay Soomaaliya ka fulisay weeraro argagixiso oo ismiidaamin jamid yihiin kana mid yahay beegsigii ugu dambeeyay ee hogaanka taliska Danab iyo ololihii ugu dambeeyay ee barakicinta shacabka," ayuu yiri Dagvin Anderson, taliyaha howlgalka bixitaanka ciidanka Mareykanka ee Soomaaliya.
Dagvin Anderson ayaa tilmaamay in ay sii wadayaan baacsiga iyo burburinta AlShaabaab.
Horaantii, todobaadkan ayay ahayd markii taliyaha ciidamada Danab iyo sarkaak kale oo kamid ciidamada Soomaaliya lagu qarxiyey degaanka Tixsiile ee gobolka Shabeellaha Hoose, halkaas oo dhaawwc culus uu kasoo gaarey.
GAROWE ONLINE
