Xubno katirsan Shabaab oo lagu dilay Qoryoley
-
- Posted On 14-12-2016, 12:46PM
QORYOLEY, Somalia- Xubno katirsanaa Al Shabaab aya alagu dilay Dagaalka xalay ka dhacay degmada Qoryooley ee gobolka Shabeellaha hoose, oo 120KM dhanka Waqooyi Galbeed uga beegan Muqdishu.
Cabdi Maxa'ed, oo ah Sarkaal katirsan mlitariga Somalia ayaa GO u xaqiijiyay inay dileen afar xubnood oo kamid ahaa Dagaalyano Al shabaab ah oo soo weeraray degmada Xalay.
Wuxuu sheegay Sarkaalkaasi in ciidamada DFS iyo kuwa AMISOM ay iska-caabiyeen weerarka, sidoo kalena ay Hub badan oo isagu jiro AK-47 iyo Gantaalada garbaha laga tuuro.
Dhanka kale, Al shabaab ayaa Guul ka sheegatay Dagaalka Qoryooley, oo ay tilmaamtay inay ku dishay Cali Nuune, oo ay ku sifeeyeen inuu ahaa ku xigeenka Gudoomiyaha Degmada.
Ciidamada AMISOM iyo Saraakiisha SNA kama aysan hadlin dilka ay sheegteen Al shabaab inay u geesteen Nuune.
Si kastaba, Xaaladda Qoryooley, ayaa caadi kusoo laabatay saakay kadib dagaalkii xalay, waxaana dadka deegaanka ay sheegeen in ciidamada fuliyeen howlgallo dad lagu qabtay.
Degmada Qoryoley, oo sanadkii 2014 gashay gacanta dowladda Somalia ayaa waxaa ka dhacayay mudooyinkii dambe dilal iyo weeraro ay geysanayeen rag katirsan Kooxda Al shabaab.
GAROWEONLINE
