Xukuumada iyo Yariisow oo isku haya adeega caafimaadka ee Xajka

MUQDISHO, Soomaaliya – Kala aragti duwanaanshiyo u dhaxeysay maamulka gobolka Banaadir iyo xukuumada federaalka Soomaaliya ayaa dibadda u soo ifbaxeysa.

Is-maandhaafkan oo noqoneysa duufaan siyaasadeed oo cusub ayaa waxay salka ku hayaa cidda bixineysa adeega caafimaadka Xajka ee sanadkan 2019.

Wasaaradda Caafimaadka ee federaalka ah ayaa war-saxaafadeed ay soo saartey ku sheegtay in ay iyadda maamuleyso, isla markaana ay u diyaar-garowday.

Hasa ahaatee, warkaasi wuxuu yimid iyadda oo maamulka gobolka Banaadir uu mar sii horeysay oo todobaadkii hore uu arrintaasi ku ku dhawaaqay.

Gudoomiyaha gobolka Banaadir, ahna Duqa Muqdisho ayaa tilmaamay in wasaaradda ay "ka maseyrtay" maamulkiisa, isagoo ku eedeeyay "xaasidnimo".

"Waa nasiibdaro in Wasaarada Caafimaadka DFS ay ka maseyrto Maamulka G/Banaadir oo ay si xaasidnimo u dhaqanto. Weligeedba Caafimaadka Aasaasiga iyo Buuga Caafimaadka waa mas'uuliyada G/Banaadir, halka Wasaaradu mas'uul ka tahay Siyaasada heer Qaran ee Caafimaadka gobolada oo dhan," ayuu ku yiri.

Sikastaba ha ahaatee, khilaafkan cusub ayaa waxa uu imaanayaa iyadda oo ay dood ka taagan tahay lacagta Xajka sanadkan, kaasi oo laba heer loo sameeyay. [Halkan ka akhriso]

WAR-SAXAAFADEEDKA WASAARADDA

GAROWE ONLINE