Abaartii ugu darneyd muddo sanado ah oo ka jirta koonfurta Afrika

Malawi ayaa noqotay dalkii ugu dambeeyay ee gaajo laga soo wariyay 23 kamid ah 28-ka degmo uu ka kooban yahay dalkaas.

NAIROBI, Kenya - Malawi oo dhacda koonfurta Afrika ayaa ku dhawaaqday xaalad masiibo ah oo ka dhalatay abaarta ka jirta 23 kamid ah 28-ka degmo ee uu ka kooban yahay waddankaas.

Madaxweynaha dalkaas ayaa sheegay inay si degdeg ah ugu baahan yihiin in ka badan 200 oo milyan oo dollar oo gargaar bini'aadantinimo ah, muddo bil ka yar ka dib markii dalka ay jaarka yihiin ee Zambia uu isna dalbaday gargaar.

Malawi waa waddankii ugu dambeeyay ee ku yaalla gobolka koonfurta Afrika ee cuntadiisa curyaamiyay xilli qallayl daran oo lala xiriiriyay ifafaalaha cimilada El Niño.

Waddan saddexaad, Zimbabwe, ayaa sidoo kale wajahaya abaar daran waxaana gubtey dhamaan dalagyadii uu ka soo go'ay. Mas'uuliyiintan dalkan ayaa muujiyey walaac ay hay'adda cunnada Adduunka ee Qaramada Midoobay u soo bandhigtay dabayaaqadii sannadkii hore.

WFP waxa ay sheegtay in ku dhawaad ​​50 milyan oo qof ay hore u joogeen koonfurta iyo qaybo ka mid ah bartamaha Afrika oo ay soo food saartay cunto yari markii roob la waayay tobanaan sano.

USAID, oo ah hay'adda gargaarka ee dowladda Mareykanka, ayaa sheegtay in in ka badan 20 milyan oo qof oo ku nool koonfurta Afrika ay si degdeg ah ugu baahan yihiin gargaar cunto horraanta sanadka 2024-ka.

Bishii la soo dhaafay ayaa ahayd markii Zambia iyo Zimbabwe ay wajaheyn abaartii ugu darneyd muddo 40-sano ah, halka Malawi, Mozambique iyo qaybo ka mid ah Angola ay kasii liiteen.

GAROWE ONLINE