Carro ka dhalatay howlgalada ka dhanka ah Muslimiinta dalka Eritrea

Asmara, Eritrea – Hay'adda xuquuqda aadanaha ee Eritrea ayaa shaacisay in dowladda dalkaas ay kordhisay howlgalada ka dhanka ah Muslimiinta.

Dhaqdhaqaaqyadii u dambeeyay waxaa lagu xiray 21 qof, iyaddoo xukuumadda Casmara aysan fahfaahin ka bixin sababta loo beegsanayo.

Elizabeth Chyrum, agaasimaha hay'adda, ayaa hoosta ka xariiqday in talaabooyinka "ay caddeyn u yihiin" in dadka lagu beegsanayo diintooda.

"Waxay u muuqaneysaa in sharci darro lagu haysto, maxaa yeelay ma jirto wax dacwad ah oo lagu soo oogay," ayay raacisay.

Hay'addo kale oo u dooda Xuquuqul Insaanka ayaa si adag u cambaareeyay dhacdooyinkaas, iyagoo ku baaqay in la joojiyo tacadiga.

"Dhamaan dadka lagu qabtay sharci daradda waxaan laga qadaan-qadiyey mehradahooda ganacsiga iyo goobo bulsho," ayay Chyrum ku dartay.

Hogaamiyeyaasha Muslimiinta ayaa dhankooda waxay ku tartarsiiyeen dowladda in ay jawaab cad ka bixiso sababta ay u beegsaneyso.

Ma jiro jawaab cad oo dowladda Eritrea ay ka bixisay warbixintii u dambeysay ee Hay'adda xuquuqda aadanaha ee dalkaas.

Maamulka madaxweyne Isias Afwerki ayaa inta badan wuxuu dafiraa falal ka dhanka ah Muslimiinta iyo siyaasiyiinta mucaaradka ah ee kasoo horjeeda.

GAROWE ONLINE