Dabley Al-Shabaab ah oo lagu dilay howlgal qorsheysan

MUQDISHO, Soomaaliya - Ugu yaraan saddex nin oo looga shakisan yahay Al-Shabaabnimo ayaa lagu diley subaxnimadii Sabtida maanta ah kadib hawlgal ay booliisku ka fuliyeen Kaymaha Boni ee Gobolka Lamu, sida ay warisay saxaafadda maxaliga.

Booliska howlgalka ka qeyb qaatay ayaa, sida ay warisay warbaahinta maxaliga ah, sheegay in raggan laga helay raashin fara badan, mooto iyo labo qori oo ay ku raran yihiin rasaas.

Ciidanka ayaa rumeysan in raggan ay qeyb ka yihiin fariisinka qarsoodiga kaynta dhexdeeda inta badanna ay qaadaan weerarada ka dhanka ah saraakiisha amniga iyo dadka aan u dhalan deegaanka.

Saraakiisha howlgalka ka qeyb qaatay ayaa sheegay in ay ku baacsanayeen kooxdaasi howdka gudaheeda maalmo kadib warbixinno sirdoon ay ka heleen halkaas.

"Waxay mootada u adeegsadaan inay ku baxsadaan marka howlgalkoodu guuleysto ama marka la hareereeyo. Howlgalku wuu socdaa si wax badan loo helo," ayuu yiri sarkaal la socday howlgalka.

Shaqsiyaadka la dilay ayaa lagu waramay in ay yihiin dad aan u dhalan degaanka ama Kenyan aan ahayn kana soo jeedaan dalka ay dariska yihiin ee Soomaaliya

Howlgalka amniga ayaa waxaa ka qeyb qaatay kooxo ka socda hay’ado badan waxaana sare loo qaaday tan iyo markii madaxweynaha Kenya, Uhuru Kenyatta, uu furay dekedda Lamu 20-kii May

18-kii Maajo, dabley Al-Shabaab ah waxay dileen ugu yaraan toddobo sarkaal markii gaari xamuul ah oo ay la socdeen uu dulmaray qalab walxaha qarxa laga soo buuxiyay lana dhigay degaanka Baure, ee Gobolka Lamu.

Qaraxa ayaa la sheegay in ay maleegeen Maleeshiyada Al-Shabaab ee ka howlgasha Kaymaha Boni. Ciidamada ayaa ku jiray xaflad roondo aroortii ah markii ay la kulmeen argagixiso RC-IED.

Mid ka mid ah saraakiishii ka baxsaday goobta uu weerarka ka dhacay ayaa soo laabtay Khamiistii, 3-dii Juun, 17 maalmood tan iyo markii la waayey. Taliyaha Booliska Norman Mwongera ayaa waxaa ku dhaawacmay rasaas markii uu dib ugu soo laabtay xerada booliska ee deegaanka.

Markii dambe waxaa loo duuliyay magaalada Nairobi si xaaladiisa caafimaad loola tacaalo, xaaladdiisuna waa ay deggan tahay. Saraakiisha sar-sare ee dowlada oo uu hogaaminayo xoghayaha golaha wasiirada arimaha gudaha Fred Matiang’i ayaa ku booqday isbitaalka Jimcihii.

Kaymaha Boni ayaa ah aag hawlgal maadaama dawlada qaranku ay tan iyo sanadkii 2015 samaysay dhoolatus hay’ado badan oo amniga loogu magac daray Linda Boni, kaas oo looga dan leeyahay in lagu baacsado maleeshiyada Al-Shabaab ee ku dhuumaaleysanaya halkaas.

Bishii Abriil, laba qof ayaa la dilay markii gaari xamuul ah oo ay la socdeen uu jiiray nooca IED. Labadooduba waxay ka mid ahaayeen koox dhisaysay darbiga xadka oo looga golleeyahay in laga joojiyo xagjiriinta inay u soo gudbaan kana soo baxaan Kenya.

GAROWE ONLINE