ICJ oo Uganda ku xukuntay bixinta $325 milyan magdhow ah
-
WARIYAHA AFRIKA GAROWE ONLINE
- Posted On 09-02-2022, 05:50PM
ADDIS ABABA, Ethiopia - Maxkamadda sare ee hoostagta Qaramada Midoobay ayaa Arbacadii ku xukuntay Uganda inay siiso Jamhuuriyadda Dimuqraadiga ah ee Kongo (DRC) aduun lacageed dhan $325m oo magdhow ah.
Xukunka ayaa salka wuxuu ku haayaa dagaalkii "bahalnimada ahaa ee dhexmaray labaddan dal ee dariska ah kaasoo billowday dabayaaqadii sanadkii 1990-meeyadii.
"Maxkamaddu waxay xustay in mag-dhowga DRC lagu siiyay waxyeellada dadka iyo hantida ee ka tarjumeysa dhibta soo gaartay shakhsiyaadka iyo bulshooyinka soo gaarey ee meel ka dhaca ku ah shuruucda caalamiga ah," ayuu yiri guddoomiyaha maxkamadda ahna garsoore u dhalatay dalka Mareykanka ee Joan Donoghue.
Amarka magdhawga ah ayaa wuxuu yimid in ka badan 15 sano kadib markii maxkamada Qaramada Midoobay ay ka soo saartay go’aan adag oo ka kooban 119 bog.
Go'aankaas wuxuu weerar ciidamada Uganda ku qaadeen DRC u aqoonsadey mid jabiyay sharciga caalamiga ah. Sannadkii 2005-tii maxkamadda ICJ waxay xukuntay in Uganda ay bixiso magta, laakiin ma dhibin.
Lacagta la bixiyay ayaa aad uga hooseysa codsigii loogu talagalay ee ahaa in ka badan $11 bilyan oo magdhow ah taasoo DRC ay dalbatay sababo ku aadan xasaradaha ka oogan gobolka waqooyi-bari ee Ituri.
Xukunka fadhigeedu yahay magaalada Hague ayaa dharbaaxo ku ah DRC kadib dagaal dheer oo dhanka sharciga ah oo lagu doonayay in magdhow lagu bixiyo iskahorimaadyadii ba'naa ee 1998-2003 oo ay ku dhinteen kumannaan qof.
GAROWE ONLINE
