Kenya oo 2018 lagu dilay kun qof xili ay sii kordhayaan dambiyada

NAIROBI, Kenya – Fal dambiyadeedyada gaar ahaan dilalka waa kuwa uu caalamku ka siman yahay, balse waxay ku kala duwan yihiin qaabka ay saxaafada dalkaasi ka jirta u soo bandhigto ama u baahiso.

Kenya oo deris la ah Soomaaliya waxaa ka dhaca dilal. Falalkaasi ayaa isugu kuwa ay geysanayaan burcad, argagixisada iyo ruux isaga gacantiisa isku dila markii ay soo foodsaarto xaalad adag oo nolosho ah.

Sidda laga soo xigtay xarunta 2019 Economic Survey oo tirakoobka sameysay, gudaha Kenya waxaa sanadkii hore ee 2018-kii lagu dilay 1,000 [kun qofood], taasi oo ka badan xagaagii kasoo horeeyay ee 2017.

Magaalooyinka ugu caansan ee dilalkaasi badankooda ay ka dhaceen ayaa kala ah; Eldoret oo 90 ruux lagu toogtay, Nakuru oo 88 ah, Meru oo 79 ah iyo caasimada Nairobi oo 66 shaqsi lagu naf-gooyey.

Warbixinta ayaa hoosta ka xariiqday in kiisaskaasi kaliya Maxkamada Sare ay xukun ku riday 357, taasi oo ka badan sanadkii kasii horeeyay ee 2017-kii xilligaasi oo ahayd 354 gal-dacwadeed.

Markii ugu dambeysay oo kun ruux lagu khaarijiyo Kenya waxay ahayd sanadkii 2014-kii. Waqtigaasi waxaa dalka aad ugu badnaa kooxaha burcada ah oo haatan ay muuqato in ay soo laba kacleeyeen.

Sikastaba ha ahaatee, tani ayaa ka dhigan in 11% ay kordheen dilalka ka dhaca Kenya sanadkii 2018 maadaama 2017-kii lagu khaarijiyay 956 qof taasi oo la macno ah in ay ku darsan tay 109 ruux oo la dilay.

GAROWE ONLINE