Tirada kiisaska safmareenka fayruska Corona ee Jabuuti oo korortay
-
WARIYAHA JABUUTI GAROWE ONLINE
- Posted On 16-04-2020, 04:22PM
DJIBOUTI CITY, Jabuuti – Wasaaradda Caafimaadka Jamhuuriyada Jabuuti ayaa Khamiista maanta ah waxay ku dhawaaqdey in ay diiwaan-gelisay 156 kiis cusub oo safmareenka Coronvirus ah.
Tani ayaa waxay ka dhigan tahay in wadarta guud ee xaaladaha Covid-19 ee gudaha waddankaas ay gaartay 519 [shan boqol, toban iyo sagaal].
Sidda ku xusan war-saxaafadeedka wasaaradda oo nuqul kamid ah uu arkay Garowe Online, tiradda dhimashadda illaa iyo haatan waa laba; 73 way kasoo kaceen.
Bartamaha bishii lasoo dhaafay ee Maaj sanadkan 2020 ayay ahayd markii ugu horeysay oo Jabuuti ay xaqiijisay kiiskii ugu horeeyay ee cudurkaas halista ah.
Bukaanadii ugu horeeyay ee uu soo ritay caabuqa dilaaga ah ayaa lagu waramay in ay aahaayeen saraakiil ciidan oo Spain ka yimid.
Ismaaciil Cumar Geelle, madaxweynaha dalkaas, ayaa todobaadkan ku booriyey shacabka in ay baaqi ku ahaadaan guriyahooda.
Dowladdiisa ayuu carabka ku dhuftay in aysan awood ay kula tacaasho hadii kiisaska ay hataan, taas bedelkeeda dadweynaha ayuu cod dheer kaga dalbaday in ay raacaan tilmaamaha caafimaad.
GAROWE ONLINE
