Tobanaan ku dhimatay shil diyaaradeed oo ka dhacay Suudaan
-
WARIYAHA KHARTUUM GAROWE ONLINE
- Posted On 04-01-2020, 06:05AM
KHARTUUM, Sudan – Diyaarad uu lahaa milatariga dalka Suudaan oo Khamiistii burburtay waxyar kadib markii ay kasoo duushay garoonka diyaaradaha ee ismaamul goboleedka Galbeedka Darfur ayaa dishay 18 ruux.
Afhayeen u hadlay ciidanka, Amer Maxamed Al-Xasan, ayaa bayaan ku sheegay in diyaaradda nooceedu ahaa Antonov 12 ayna soo dhacday shan daqiiqo kadib markii ay ka kacday madaarka El Geneina.
"Shan kamid ahaa shaqaalaha, saddex garsoore, iyo sideed muwaadiniin oo ay ku jiraan afar caruur ayaa ku dhimatay shilka," ayuu raaciyey.
Baaritaan ku saabsan qaabka uu shilka u dhaca ayaa la bilaabay, sidda ku cad war-saxaafadeedka kasoo baxay xafiiska Al-Xasan.
Diyaaradda ayaa gargaar caafimaad u wadday magaaladda El Geneina, oo ah caasimadda ismaamul goboleedka Galbeedka Darfur.
Al-Xasan oo tacsi u diray eheladda dadka dhintay ayaa tilmaamay in dhamaan kuwa geeriday ay saarnaayeen diyaaradda.
El Geneina ayaa horey u martigelisay isku dhacyo qabiil si gaar ah maalmihii lasoo dhaafay, waxaana la sheegay in ay ku naf-waayeen tobanaan qof oo badankooda lagu tilmaamay in ay ahaayeen shacab dadka degaanka ahaa.
GAROWE ONLINE
