25 qof oo ku dhimatay dab ka kacay goob caafimaad Sacuudiga
-
- Posted On 24-12-2015, 04:40PM
24 December, 2015(GO)-Dab khasaaro dhimasho iyo dhaawac isugu jira sababay ayaa subaxnimadii hore Khamiista ka kacay goob caafimaad oo ku taalla magalada dhacda Koonfur Galbeed dalka Sucuudiga.
Waxaa ku dhintay 25 ruux 107 kale waa ku dhaawacmeen sida ay xaqiijiyeen mas'uuliyiin katirsan Boqortooyada waddankaas, waxayna sheegeen inay baaritaan kuwadaan qaabka wax u dhaceen.
Waaxda difaaca bulshada ee Sacuudiga ayaa sheegtay in dabka uu ka kacay qeybta daryeelka xooggan ee isbitaalka, laakiin daadaal la sameeyay waxay tilmaameen inay xakameeyeen.
Dadka ku dhaawacmay ayaa loo wareejiyay xarumo caafimaad oo goobta ka dhawaa, waxaana sawirro la soo dhigay baraha bulshada (Twitter) muujinayeen khasaaraha baahsan ee goobtaas gaaray.
GAROWEONLINE
