32 loo xiray rabashado ka dhacay Chicago
-
- Posted On 12-03-2016, 11:40AM
Rabshado ayaa hareeyay isu soo bax siyaasadeed oo murashax xisbiga Jamhuuriga Donald Trump uu ku qaban lahaa magalada Chicago ee dalka Maraykanka, waxaana taasi keentay inuu baaqdo qorshaha ninka ugu cad-cad xisbigaasi.
Arrintan, ayaa keentay kadib markii fagaaraha isugu yimaadeen taageerayaasha Donald iyo kumanaan kasoo horjeeda oo diidanayaa fikirkiisa.
Boliiska dalka USA, ayaa sheegay inay xireen 32 ruux la tuhunsanyahay inay ku luglahaayeen barnaamijkaasi, waxaana durba ka hadlay murashaxa oo iska fogeeyay mas'uuliyadda wixii dhacay.
Wuxuu sidoo kale maalqabeenkan uu ku gacan sayray mabdi'iisa uu kaga soo horjeedo Muslimiinta, isagoo sheegay inaysan isaga khusayn.
Waa dhacdadii ugu dambeysay ee wajahda xafladaha uu qabsado musharaxaasi Xisbiga Jamhuuriga.
GAROWEONLINE
