Arday Soomaaliyeed oo ku dhimatay shil ka dhacay Pakistan

Image
Seddex qof ee shilka ku dhaawacmay waxa ay ahaayeen muwaadiniin Kenyaan ah.

ISLAMABAD, Pakistan – Gabar Soomaaliyeed oo wax ka baranaysay jaamacadda Karachi ee dalka Pakistan ayaa geeriyootay saddex kalena waa ay ku dhaawacmeen kadib markii gaari ay saarnaayeen oo si xowli ah ku socday uu gaari kale kula dhacay meel u dhow magaaladda Do Darya, subaxnimadii Axadda, sida ay booliisku sheegeen.

Maamulka Gobolka ayaa sheegay in afar arday oo ajaaniib ah ay ku safrayeen gaari Passo ah oo marayay wadada Abdul Sattar Edhi abbaare 1:45am balse Gaarigoodu waxa ku dhacay gaari Revo sida cad warbixinta booliska.

Saddexda qof ee kale waxaa soo gaaray dhaawacyo halis ah, waxaana loo qaaday xarunta caafimaadka ee Jinnah Postgraduate Medical Center, halkaasoo ay dhakhaatiirtu ku sheegeen inla tacaalayo xaaladooda caafimaad.

Boolisku sooma bandhigin magaca gabadha, balse waxa ay sheegeen in ay ahayd muwaadin Soomaaliyeed.

Seddex qof ee shilka ku dhaawacmay waxa ay ahaayeen muwaadiniin Kenyaan ah.

Booliska ayaa sheegay in dhamaan afartaasi qof ay ahaayeen arday wax ka barata jaamacadda Karachi.

Booliiska ayaa sheegay in ay bilaabeen baaritaano la xiriira dhacdadaan ay ku dhimatay ardayada Soomaaliyeed. Arday badan oo Soomaali ah oo barta kuliyado kala duwan ayaa ku sugan dalka Pakistan.

GAROWE ONLINE

Related Articles

Qareen: Dacwad lagu soo oogay ilaaliyaha gaarka ah ee Ilhaan ayaa loo adeegsaday raadinta xog ka dhan ah

Dacwad-oogayaasha federaalka Maraykanka ayaa bilo ku hawlanaa sidii ay xog ka dhan ah xildhibaanad Ilhaan Cumar uga heli lahaayeen….

  • Caalamka

    12-11-2026

  • 07:00AM

Qareen: Dacwad lagu soo oogay ilaaliyaha gaarka ah ee Ilhaan ayaa loo adeegsaday raadinta xog ka dhan ah

Dacwad-oogayaasha federaalka Maraykanka ayaa bilo ku hawlanaa sidii ay xog ka dhan ah xildhibaanad Ilhaan Cumar uga heli lahaayeen….

  • Caalamka

    12-11-2026

  • 07:00AM