Boqolaal ka mid ah dadka ka soo jeeda Armenia oo ka qaxay gobolka Nagorno-Karabakh
-
GAROWE ONLINE XAFIISKA MUQDISHO
- Posted On 25-09-2023, 03:29AM
YEREVAN, Armenia - Muwaadin u dhashay dalka Armenia ayaa la wadaagay wakaaladda wararka ee Reuters in dadka Armenian ay bilaabeen in ay isaga-baxaan caasimadda gobolka gooni u goosadka ee Nagorno-Karabakh, iyaga oo ku sii jeeda Armenia.
Dowladda Armenia ayaa sheegtay Axaddii in 1,050 qof ay ka soo tallaabeen gobolka Karabakh, oo ah gobol ku yaala dalka Asarbayjan balse ay u badanyihiin qowmiyadda Armenian.
Dawladdu waxay ku dartay bayaanka ay soo saartay in 1,050 qof oo soo galay Armenia laga bilaabo 10:00 habeenimo, iyaga oo ka soo qaxay gobolka dhawaan dagaalka ka qarxay.
GAROWE ONLINE
