China: muslimiinta oo loo diidey inay soomaan
-
- Posted On 18-06-2015, 10:09AM
June 18, 2015 (GO)- Dowladda Shiinaha ayaa mamnuucday in laga soomo gobolka Xinjiang, gobolkaas oo dadka ku nooli u badan yihiin muslimiinta ku abtirsada qomiyadda Uighur ee laga tirada badan yahay.
Maamulka gobolka Xinjiang ayaa amar ku bixiyey in aysan soomi karin shaqaalaha dowladda, ardayda, macallimiinta iyo xubnaha ka tirsan xisbiga shuuciga ah ee talada dalka Shiinaha haya.
"maqaaxiyaha iyo goobaha kale ee cuntadu si caaadi ah ayey u furnaanayaan inta lagu guda jiro bisha Ramadaan" sidaas waxaa lagu baahiyey website-ka ay adeegsato hay'adda dalkaas u qaabilsan maareynta cuntada iyo maan-dooriyaha.
Dhanka kale, dadka muslimka ah ee gobolka Xinjiang ku nool ayaa arrintan ku tilmaamay xad-gudub iyo xorriyad la'aan Muslimiinta lagu ridayo, maadaama amarkani caqabad ku yahay inu gutaan waajibaadkooda diiniga ah.
Qowmiyadda Uighur oo asalkeedu Turkish yahay, kana mid ah 56 qowmiyadood oo Shiinaha ku nool, waa dad Muslimiin u badan, waxayna deegaan ahaan ku xooggan yihiin gobolka Xinjiang.
GAROWE ONLINE
