Clinton iyo Trump oo guulo ku gaaray New York
-
- Posted On 20-04-2016, 11:29AM
Wararka aan ka helayno doorashada maanta ka dhacaysa magalada New York, ayaa la sheegay inay guulo gaareey murashaxiinta kala ah Hillary Clinton iyo Donald Trump.
Codbixintan ayaa qayb ka ah isreereebka murashaxiinta xisbiyada Maraykanka.
Clinton ayaa si aan dhib badnayn uga badisay Bernie Sanders oo la tartamayey, waxayna u sheegtay taageerayaashiisa in ay jiraan wax badan oo midayn kara.
Trump ayaa isna isu diyaarinaya inuu ku guulaysto ku dhawaad dhamaanba codadka 95ka ergo ee xisbiga jamhuuriga ee loo tartamayey ee gobolka uu ka soo jeedo.
Khudbadiisii guusha ayuu Trump ku sheegay in Senator Ted Cruz xisaab ahaan marka la fiiriyo uu ka haray tartanka musharaxnimada xisbiga.
Trump ayaa sheegay in dadka reer New York ay siiyeen guul muhiim ah.
Labada tartame ayaa horay guulo waaweyn uga gaaray gobollada qaybtood, inkastoo ay jiraan meelo murashaxiinta kale ku cod badnaadeen, waxaana Donald uu yahay ninka ugu cad cad xisbiga Jamcuuriga.
GAROWEONLINE
