Dad ay ku jirto haweenay saaxiib la ah ra'iisul wasaare oo la dilay

Eedeysane 57 jir ah ayaa xabsi loo dhigay fal-dambiyeedkan. Booliska ayaan wali war kasoo saarin dhacdadan.

ROMA, Italy - Saddex dumar ah oo ay ku jirto haweenay saaxiib la ah ra'iisul wasaaraha cusub ee Talyaaniga ayaa dhintay kadib markii nin uu rasaas ku furay maqaaxi lagu shaaheeyo oo ku taalla magaalada Rome halkaasoo ay ku dhaawacmeen afar qof oo kale.

Dadka ku jiray gudaha maqaaxida ayaa waxaa kamid ahaa guddiga dadka deegaanka ee xaafadda. Eedeysane, 57 jir ah, ayaa xabsiga ku jira. Wararka ayaa sheegaya in uu khilaaf ka dhexeeyo qaar ka mid ah guddiga guddiga.

Roberto Gualtieri, duqa magaalada Rome, ayaa ku tilmaamay toogashada "dhacdo xun oo rabshado ah" wuxuuna sheegay inuu ka qaybgeli doono kulan deg deg ah oo looga hadlayo dhacdadan.

Luciana Ciorba, gudoomiye ku xigeenka guddiga, ayaa ku sugnaa maqaaxida laga cunteeyo ee degmada Fidene, sida uu sheegay wargeyska La Repubblica ee Talyaaniga.

Ra’iisal wasaare Giorgia Meloni ayaa mid ka mid ah haweenka la dilay ku sheegtay saaxiibkeed Nicoletta Golisano. Haweenka kale ee dhintay ayaa lagu kala magacaabi jiray Elisabetta Silenzi iyo Sabina Sperandio.

Booliska ayaan weli ka hadlin sababta keentay tuhmanaha, oo ay saxaafadda Talyaanigu magacawday balse aan si rasmi ah loo shaacin. Weerarka looma maleynayo inuu ahaa mid siyaasadeed.

Warar soo baxaya ayaa tibaaxaya in eedeysanaha iyo Golaha Aqalka Hoose uu ka dhex taagnaa muran xooggan in muddo ah. Hase ahaatee, illaa haatan lama helin fahfaahin ku saabsan khilaafkaas.

Giorgia Meloni, oo madax ka ah xisbiga midigta-fog ee Brothers of Italy, ayaa noqotay haweeneydii ugu horreysay ee ra’iisal wasaare ka noqota dalkaasi bishii Oktoobar. Doorashadeedu waxay rajo cusub u abuurtey dadka caanka ah balse waxa khatar ku tahay soo galootiga.

GAROWE ONLINE