Dadka Isticmaala Baraha Bulshada oo xaqiijiyay riyada 12-jir Falastiini ah oo ay dishay Israa’iil
-
GAROWE ONLINE XAFIISKA MUQDISHO
- Posted On 07-11-2023, 07:11PM
QASA (GO) - Dadka isticmaala Baraha Bulshada ayaa rumeeyay riyada 12-jirkii reer Falastiin Cawni Al-Dous, kaasoo ku dhintay duullaanka ay ciidamada Israa’iil ku qaadeen marinka Qasa.
Tirada dadka ku xiran Cawni Al-Dous ee barta “YouTube” ayaa kor u dhaaftay hal milyan maalmo gudahood.
YouTube-ka ayaa intaas ugu daray calaamadda caddaysa lahaanshaha, taas oo la ag dhigo magacyada.
Si weyn ayaa looga hadlay geerida wiilkan Falastiiniga ah ee ku dhintay isaga iyo tiro badan oo qoyskiisa ka mid ah duqeymaha Israa'iil.
Ka hor inta uusan dhiman tirada dadka ku xiran Cawni waxa ay ahaayeen dhowr kun oo kaliya.
Waxuuna waagaas sheegay riyadiisa ay tahay in uu gaaro 100,000, 500,000, ilaa hal milyan qof oo isaga ku xiran.
GAROWE ONLINE
