Dhul-gariir ay dad badan ku dhinteen oo ka dhacay China

Dalka Shiinaha waxaa si joogto ah uga dhaca dhulgariirrada, gaar ahaan gobollada buuraleyda ah.

BEIJING, China - Ugu yaraan 22 qof ayaa ku dhaawacantay kadib markii dhul-gariir xooggan uu ku dhuftay koonfur galbeed ee dalka Shiinaha kaas oo sidoo kale ruxay magaalada caanka ah ee loo dalxiis tago ee Lijiang.

Dhulgariirka ayaa galabnimadii Axadda ka dhacay xadka u dhexeeya gobollada Yunnan iyo Sichuan, sida ay sheegtay hay’adda sahaminta dhulka ee Maraykanka (USGS), oo cabirka dhulgariirka ku sheegtay 5.4, qotodiisuna tahay 38km (24 miles).

Xarunta Shabakadda Dhulgariirrada ee Shiinaha ayaa markii dambe cabbirka cabbirka ku xustey 5.5 iyadoo qotodiisuna ku sifeysay 10km (6.2 mayl). Xuddunta ayaa 115km (71.5 mayl) u jirta Lijiang ee gobolka Yunnan, sida ay sheegtay USGS.

Waaxda Seismological Bureau ee Yunnan ayaa sheegtay in 22 qof ay ku dhaawacmeen dhulgariirka, oo laba aad u daran, oo ka dhacay gobolka Ninglang.

Maamulka seismological-ka ee gobolka ayaa sheegay in aysan wali jirin warbixino sheegaya burbur soo gaaray guryaha, balse wakaalada wararka ee dowladda ee Xinhua ayaa sheegtay in kooxo gurmad iyo samatabbixin ah loo diray xuddunta.

Bishii Sebtembar, saddex qof ayaa ku dhintay tobanaan kalena waa ay dhaawacmeen ka dib markii dhul gariir ku dhuftay gobolka Sichuan, tobanaan kun oo gurina ay waxyeelo soo gaartay.

Dalka Shiinaha waxaa si joogto ah uga dhaca dhulgariirrada, gaar ahaan gobollada buuraleyda ah ee galbeedka iyo koonfur-galbeed. Dhulgariir cabirkiisu ahaa 7.9 magnitude ayaa 2008 in ka badan 80,000 qof ku dilay Sichuan.

GAROWE ONLINE