Dowlada Jabuuti oo ciidamo hor leh usoo dirtey Somalia
-
- Posted On 12-02-2015, 10:31AM
February 12, 2015 (GO)- Dowlada Jabuuti ayaa ciidamo dheeri ah usoo dirtey dalka Soomaaliya. Ciidamadan oo tiradoodu boqolaal askari gaareyso waxay maanta kasoo degeen garoonka diyaaradaha ee magaalada Beledweyn.
Mas'uuliyiinta maamulka gobolka Hiiraan iyo saraakiil ka socdey hoogaanka ciidamada AMISOM ayaa askarta Jabuutiyaanka ah si diirran usoo dhoweeyey.
Wasiirka Arimaha Dibada Jabuuti oo bishii hore ee January Muqdisho soo gaarey, wuxuu sheegay in dalkiisu ciidamo hor leh usoo diri doono Soomaaliya si ay qayb uga noqdaan hawlgalka nabad-ilaalinta ee AMISOM.
Jabuuti ayaa sanadkii 2011 kusoo biirtey hawlgalka nabad ilaalinta Midowga Africa ee AMISOM.
GAROWE ONLINE
