Dowladda Faransiiska oo dhalashada kala noqon rabto Benzema
-
GAROWE ONLINE XAFIISKA MUQDISHO
- Posted On 18-10-2023, 01:53PM
PARIS - Wasiirka arrimaha gudaha ee Faransiiska Geral Darmanin ayaa ku eedeeyay xiddiga Karim Benzema in uu xiriir la leeyahay ururka “Ikhwaanul Muslimiin”, iyada oo mas’uuliin badan oo ka tirsan dowladda ay codasadeen in lagala noqdo dhalashada dalkaas.
"Dhamaanteen waan ognahay in Karim Benzema uu xiriirka xun la leeyahay uruka Ikhwaanka," ayuu yiri Darmanin.
Darmanin ayaa weeraray xiddiga reer France, isaga oo ku tilmaamay in Benzema uu xiriir la leeyahay ururkaas ay dalal badan ku tuhmayaan xagjirnimada.
Dhankeeda, Senetarka Faransiiska Valerie Boyer ayaa codsatay in Benzema laga xayuubiyo abaal marinta Ballon d’Or & dhalashada Faransiiska, haddii la xaqiijiyo eedeymaha oo jeediyay wasiirka arrimaha gudaha Darmanin.
GAROWE ONLINE
