Hogaamiye mucaarad oo isbitaal la dhigay kadib markii la sumeeyay

MOSCOW, Russia - Diyaarad uu la socdey hogaamiyaha mucaaradka Ruushka, Alexei Navalny una kala goosheysay gobolka Siberia iyo Moscow, ayaa deg-deg loosoo dejiyey waxaana loola cararay Isbitaal.

Afhayeen u hadashay waxay sheegtey in ay tuhunsan yihiin in lagu sumeeyay walxo la isku qasay oo Shaax loogu daray. Navalny oo jeer horey loo sumeeyay wuxuu hadda ku jiraa qolka xaalada degdeg ah.

Kooxdiisa dhanka warbaahinta ayaa xustay in Shaaxa uu ahaa waxa kaliya ee uu cabay kahor inta uusan safarka gelin. Balse, ma aysan shaacin cidda ay ku eedeynayaan ficilkaan argagaxa leh.

Navalny oo 44-sano jir ah isla markaana xabsi ku galay mucaaradnimadiisa ayaa aad uga soo horjeeda dowladda Vladimir Putin, waxaana uu warbaahinta u mariyaa erayo kala duwan oo maqaar-xanuunjiya.

Wakaaladda wararka u faafisa Ruushka oo aan soo hadal-qaadin sheegashooyinka ku saabsan in la sameeyay siyaasigan ayaa hoosta ka xariiqdey in xaaladiisu ay tahay mid aad u khatar badan.

Dhakhaatiirta oo war-fidiyeenka kula hadlay banaanka Isbitaalka ayaa tibaaxay in ay ku dedaalayaan sidii ay u badbaadin lahaayeen nolosha Navalny, wallow aysan muujin kalsoon aad u baaxad weyn.

Alexei Navalny oo dhashay 4-ta bishii July sanadkii 1976-dii ayaa sumcadda mucaaradnimada wuxuu ku helay ololihiisa ka dhanka ah musuqmaasuq gaar ahaan wuxuu farta ku fiiqaa mas'uuliyiinta sar-sarre.

GAROWE ONLINE