Hogaamiyihii mucaaradka Suuriya oo la dilay
-
- Posted On 26-12-2015, 05:02PM
26 December, 2015(GO)-Weerar ay fulisay diyaarad ay leedahay xukuumadda Moscow ayaa lagu dilay hogaamiyihii kooxda mucaaradka Jaysh al-Islam iyo dhawr sarkaal oo kale.
Wararka ayaa sheegaya in Zahran Alloush iyo dhowr sarkaal oo kale ay ku dhinteen duqeyn diyaaradaha Ruushka ka fuliyeen degmo ku taalla duleedka caasimadda Suuriya ee Dimishiq.
Jabhadda uu hogaaminayay Zahran ee Jaysh al-Islam ayaa waxaa si weyn u taageerta dowladda Sacuudi Carabiya, wuxuuna Alloush noqday sarkaalkii ugu sareeyay ee ku dhinta duqeymaha Ruushka tan iyo markii uu howgalka ka bilaabay Suuriya.
Moscow ayaa ka aaminsan kooxdan Argagixiso khatar ku ah nabad galyada Caalamka.
GAROWEONLINE
