Isra'iil oo duqayn ka gaysatay marinka Gaza
-
- Posted On 30-09-2015, 06:10AM
30 September, 2015(GO)-Diyaaradaha dagaalka Isra'iil ayaa saaka duqayn dhanka cirka ah ka gaystay marinka Gaza ee Falastiin.
Ma jirto khasaare la soo sheegayo, balse waxaa lala eegtay xarumo ururka Xamaas ku lahaayeen marinkaasi.
War ka soo baxay Isra'iil ayaa lagu sheegay in duqayntu jawaab u ahayd gantaal laga soo riday Gaza, balse ay sheegeen in xawada lagu bur-buriyay.
Ururka Xamaas ayaa dhankooda shaaciyay inay ka baxeen xarumaha la weeraray, maadama ay ka warhayeen inay duqayn uga imaanka karto Isra'il gantaal lagu riday awgii.
Ilaa hadda cidna ma sheegan gantaalka laga soo riday marinka Gaza ee dhulka Falastiin.
Falkan ayaa imaanaya xilli maanta la filayo in calanka Falastiin la suro afaafka hore ee xarunta Qaramada Midoobay markii September 11, 2015 cod loo qaaday ka mid ahaanshaha kuwa suran xarunta Jamaciyadda Quruumaha ka dhacaysa.
GAROWEONLINE
