Israa'iil oo 3,900€ todobaadkii siinayso qof kasta oo ku biiro ciidankooda

QASA (GO) - Dagaalyahan u dhashay dalka Spain lagu magacaabo Pedro Diaz Flores ayaa daaha ka qaaday in sababta oo ugu biiray ciidanka Israa’iil ay tahay lacagta aadka u badan ay bixiyaan.

Askariga ayaa si faahfaahsan u sharaxay xaaladaha uu ku nool yahay marka loo eego dagaalka socda ee ka dhanka ah Xamaas, wuxuuna qirtay inay “wanaagsan yihiin”.

Wuxuu yiri: "Waxaan u imid lacag waana ka helay, qalab fiican waa ay bixiyaan, shaqaduna waa degantahay, mushaharku waa 3,900 oo Yuuro todobaadkii."

Waxa uu intaa ku daray: "Shaqadaydu waa inaan ilaaliyo guwaarida hubka u sida Israa’iil oo kaliya."

Dagaalka u dhexeeya Israa’iil iyo Xamaas ayaa galay maalintii soddonaad, iyadoo ay sii socdaan duqeymaha ay Israa’iil ka geysanayso deegaanno kala duwan oo ka tirsan Marinka Qasa.

GAROWE ONLINE