Israa’iil oo amartay in la banneeyo dhamaan Isbitaallada Qasa

QASA (GO) - Ciidamada Israa’iil Maanta faray dadka ku dhaqan Qasa in ay faarujiyaan dhammaan isbitaallada ku yaalla Marinka si ay ula tacaamulaan XMS, iyaga oo xusay in dhowr kun oo qof ay weli ku sugan yihiin barxadda xarunta caafimaadka ee Shifa.

Ciidamada Israa’iil ayaa sheegay in ugu yaraan 150,000 oo qof ay ka qaxeen waqooyiga Qasa saddexdii maalmood ee la soo dhaafay.

Arrintan ayaa imaanaysa iyadoo ciidamada Israa’iil ay sii adkeeyeen go’doominta ay ku hayaan xarunta caafimaadka ee Al-Shifa, oo ay ku socdaan duqeymo xooggan, iyadoo ay gebi ahaanba laga jaray korontada.

Sida ay sheegeen dad goob joogayaal ah, taangiyada Israa’iil ayaa madaafiic la beegsaday koox caafimaad oo u socotay inay baaraan dadka dhintay iyo kuwa dhaawacmay oo ku sugnaa barxadda xarunta Al-Shifa.

GAROWE ONLINE