Israa'iil oo gantaal ku garaacdey magaalo ku taalla bartamaha Iran

Image
Warsidaha afka dheer ee Fars ayaa tabiyay in qaraxa uu ka dhacay magaalada Qahjaverestan.

WASHINGTON, USA - Israa’iil ayaa weerar loo adeegsaday gantaal ka fulisay gudaha Iran waaberigii hore ee Jimcaha maanta ah wakhtiga maxaliga ah, sidda ay warisay warbaahinta Maraykanka, iyada oo soo xiganaysa saraakiil magacyadooda qariyay.

Warbixinada shabakadaha kala ah ABC, CBS iyo NPR ma aysan bixin faahfaahin dheeraad ah oo ku saabsan goobta ama bartilmaameedka gantaalka muuqda.

Afhayeen u hadlay militariga Israa’iil ayaa VOA u sheegay in uusan wax hadal ah ka bixin wararka warbaahinta Mareykanka, saacad ka dib markii ay soo baxeen wararka.

Wakaalladda Wararka Iiraan ee IRNA ayaa sheegtay in difaaca cirka ee jamhuuriyadda Islaamiga ah laga hawl galiyay hawada sare ee dhowr gobol balse ma sharaxin sababta.

IRNA iyo wakaaladda wararka dowladda ee Fars, oo xiriir la leh ilaalada kacaanka Islaamiga ah ee Iran, ayaa soo xigatay ilo wareed aan la magacaabin, iyagoo sheegay in qarax uu ka dhacay gobolka Isfahan ee bartamaha Iran.

Fars ayaa qaraxa ka dhacay magaalada Qahjaverestan, oo ku taal duleedka bari ee magaalada Isfahan. Hase ahaatee, masoo bandhigin wax fahfaahin ah oo ku saabsan waxyeeladda ka dhalatay.

Israa'iil ayaa uga digtay Iran inay ka aargoosan doonto duullaan aan horay loo arag oo Iran ay ku qaadday dhulka Israa'iil Axaddii hore. Iran ayaa iyaduna ka digtay in weerar kasta oo aargoosi ah oo Israa'iil ah lagala kulmi doono jawaab degdeg ah oo adag.

GAROWE ONLINE

Related Articles

Qareen: Dacwad lagu soo oogay ilaaliyaha gaarka ah ee Ilhaan ayaa loo adeegsaday raadinta xog ka dhan ah

Dacwad-oogayaasha federaalka Maraykanka ayaa bilo ku hawlanaa sidii ay xog ka dhan ah xildhibaanad Ilhaan Cumar uga heli lahaayeen….

  • Caalamka

    12-11-2026

  • 07:00AM

Qareen: Dacwad lagu soo oogay ilaaliyaha gaarka ah ee Ilhaan ayaa loo adeegsaday raadinta xog ka dhan ah

Dacwad-oogayaasha federaalka Maraykanka ayaa bilo ku hawlanaa sidii ay xog ka dhan ah xildhibaanad Ilhaan Cumar uga heli lahaayeen….

  • Caalamka

    12-11-2026

  • 07:00AM