Israa'iil oo xasuuqdey dad saf ugu jiray cunto loo qeybinayay

Image
Image
Image
Image
Image
Falkan oo dunida ka careysiiyay ayaa waxa uu ka dhacay gudaha magaaladda Gaza.

DOOXA, Qadar - Madaxweynaha Maraykanka, Joe Biden, ayaa sheegay in uu ku kalsoon yahay in Tel Aviv ay baaris sameyn doonto kadib markii ciidamada Israel ay rasaas ku fureen dad Falastiiniyiin ah oo gaajaysan.

Dadkan ayaa ku sugnaa goob gargaar lagu qeybinayay ku taal Gaza, halkaas oo ay ku dileen ugu yaraan 115 falastiiniyiin ah 760 kalena ay ku dhaawacmeen, kuwaas oo laga yaabo in ay aad u liidato xaaladooda.

"Waxaan weydiisannay dowladda Israa'iil inay baarto, waana qiimeynteenna inay si dhab ah arrintan u qaadanayaan, ayna eegayaan wixii dhacay, si looga fogaado masiibooyinkan oo kale inay mar kale soo laabtaan," ayuu afhayeenka golaha ammaanka Qaranka John Kirby u sheegay wariyayaal.

Kirby oo hadalkiisa sii wata ayaa waxa uu intaa ku daray in aysan Israel siinin waqti ay ku soo gabagabeeyaan baaritaankooda si ay aduunka ugu soo bandhigaan xaqiiqada waxa dhacay.

Afhayeen Kirby waxa uu hoosta ka xariiqay in Israa’iil ay “si dhab ah” u baarayso dhimashada kolonyada gargaarka ayna taas tahay dalabka rasmiga ah ee Dowladda Mareykanka.

"Si kastaba ha ahaatee, Washington waxay sii wadi doontaa inay Israel ka taageerto militari ahaan in kasta oo ay sii kordhayso masiibada bini'aadantinimo ee Gaza," ayuu yidhi Kirby. "Weli waxaan ka caawinaynaa Israa'iil".

GAROWE ONLINE

Related Articles

Dagaal Cusub oo Ka Qarxay Xuduudda Hindiya iyo Pakistan

Milatariga Pakistan ayaa si cad u sheegay in aysan jiri doonin wax heshiis nabadeed ilaa….

  • Caalamka

    09-05-2025

  • 08:38PM

Mareykanka oo kahor-yimid go'aanadda Shirkii Golaha Wadatashiga Qaranka Soomaaliya

Dowladda Maraykanka ayaa si gaar ah uga digtay in la qaato go'aanno siyaasadeed oo aan lagu salayn wada-tashi qaran oo dhameystiran.

  • Caalamka

    09-05-2025

  • 08:07PM