Jaamacadda Carabta oo taageertay Sucuudiga

11 January, 2016(GO)-Wasiirrada Arrimaha Dibadda ururka Jaamacadda Carabta ayaa taageeray go'aanka Boqortooyada Sucuudigu xiriirka ugu jareen xukuumadda Iran.

Shirka wasiirradu ku yeesheen magalada Qaahira ee dalka Masar ayaa looga hadlay xaaladda murugsan iyo khilaafka baahay ee ka tagaan bariga dhexe, waxayna cambaareen falkii lagu gubay  safaaradda Boqortooyada Riyad ee dalka Iran.

Warsaxaafadeed lasoo saaray goor sii horaysay shalay 10 January ayaa lagu sheegay in la baarayo sababta keentay gubista xarunta Boqortooyada Sacuudigu ku leeyahay Tehran, waxayna sheegeen maxsuulka kasoo baxa in loo gudbin doono golaha ammaanka si uu go'aan uga gaaro.

Arrintan ayaa ka dhalatay toogashadii wadaad shiico ah sheekh Nimr Al-Nimir kaasoo dadka aaminsan madhabkaas aad u qadariyaan, waxaana Sacuudigu ku eedeeyeen inuu katirsanyahay argagixisada.

GAROWEONLINE