Jinsiyada ninkii geystay toogashadii Holland oo la shaaciyay
-
WARIYAHA ARRIMAHA CAALAMKA GAROWE ONLINE
- Posted On 18-03-2019, 05:45PM
UTRECHT, Holland - Saddex ruux ayaa lagu dilay markii toogasho ay ka dhacday goobta tareenada laga raaco oo ku taalla magaaladda Utrecht ee dalka Hollanad, sida uu sheegay duqa magaaladaasi.
Sagaal qof kale ayaa lagu waramayaa ku dhaawacantay weerarkaasi oo uu Booliska ku tilmaamay "fal argagixiso."
Booliska ayaa ugaarsanaya nin 37-sano jir ah oo u dhashay Turkiga, oo magaciisa Gokmen Tanis, lana rumeysan in uu geystay toogashadaasi.
Dadka ayaa looga digay in ay ka akdhowadaan ninkaan, kaasi oo wali aan la ogayn hadii uu guud wadanka Holland ka baxay.
Goobaha waxbarashada ayaa la xiray, iyada oo sare loo qaaday howlgalada la dagaalanka argagaxisada oo la doonayo in lagu soo qabto dableygaasi.
"Meesha kama saari karno in falku ahaa mid argagaxiso," ayuu yiri Pieter-Jaap Aalbersberg, isu-duwaha howlgalada la dagaalanka argagixisada Holland.
Pieter ayaa rajo wanaagsan ka muujiyay in dableyga ay gacanta kusoo dhigi doonan, inkasta oo uusan qaban waqti cayiman.
"Ma cadda wali goobta lagu tuhmayo…laakiin si adag ayaan u shaqeyn doonaa si aan u soo helno xaqiiqada," ayuu xusay.
GAROWE ONLINE
