Kampala: dacwad oogihii 13-ka eedaysane ee Al-shabaab oo la diley

Image

March 31, 2015 (GO)- Joan Kagezi oo ahayd dacwad oogaha kiis ka dhan ah 13 qof oo lagu soo eedeeyey inay ka tirsan yihiin Al-shabaab qaybna ka qaateen weerarradii Kampala ka dhacay sanadkii 2010 ayaa xalay toogasho lagu diley.

Joan KageziAf-hayeenka booliska Uganda Patrick Onyango ayaa sheegay in haweenaydaas ay toogteen labo nin oo mooto (dhug-dhugley) watey xilli ay ku sugneyd meel u dhow gurigeeda oo magaalada Kampala ku yaal.

Boolisku waxay sheegeen inay baaritaan wadaan, islamarkaana ku raad joogaan dad laga shekiyey.

Haweenaydan ayaa sidoo kale ahayd madaxa waaxda la-dagaalanka argagixisada ee xafiiska dacwad oogaha guud ee dalka Uganda.

Dilka Joan Kagezi ayaa kusoo aadaya maalmo kaddib markii safaaradaha Maraykanka iyo Britain ee dalka Uganda ka digeen weerarro argagixiso oo ay suurogal tahay inay ka dhacaan Kampala, kuwaasoo bartilmaameedkoodu yahay dadka kasoo jeeda wadamada reer galbeedka.

GAROWE ONINE

Related Articles

In ka badan 160 qof oo weli la la’yahay kaddib fatahaado ka dhacay Texas

Biyaha xooggan ayaa si lama filaan ah u dhex maray xerada, iyadoo ay jiiteen guryaha jiingadaha ah ee dadka hurday.

  • Caalamka

    09-07-2025

  • 05:17AM

Madaxweyne Trump oo Sheegay in Maraykanka uu Wadahadallo la Yeelanayo Iran

Wadahadalladii lixaad ee u dhexeeyay Maraykanka iyo Iran ayaa loo qorsheeyay inay dhacaan 15-kii Juun.

  • Caalamka

    08-07-2025

  • 11:58AM