Kenya: qaraxyo khasaare geystey oo xalay Mandhera ka dhacay
-
- Posted On 07-07-2015, 04:15AM
July 7, 2015 (GO)- Ugu yaraan toban qof ayaa ku geeriyoodey labo qarax oo xalay saqdii dhexe ka dhacay degmada Mandhera ee gobolka Waqooyi Bari Kenya.
Qaraxyada oo waxyar kala dambeeyey waxay ka dheceen xaafadda Suuqa Xoolaha, waxaana lala beegsaday qaar kamid ah shaqaalaha Kenyanka ee dhagaxa jebiya.
Faah faahin dheeri ah lagama hayo sida weerarkaasi u dhacay, ilaa iyo haddana dowladda Kenya wax war ah kama soo saarin.
Sido kale ma jirto cid sheegatay mas'uuliyadda weerarka, inkastoo horay kooxda Al-shabaab weerarro uga fulisey degmada Mandhera iyo deegaano kale oo ka tirsan gobolka Waqooyi Bari Kenya.
GAROWE ONLINE
