Kenya: xildhibaan ka tirsan barlamanka oo Nairobi lagu dhaawacey
-
- Posted On 22-03-2015, 04:28AM
March 22, 2015 (GO)- Xildhibaan ka tirsan barlamanka Kenya ayaa xalay lagu dhaawacay magaalada Nairobi.
Afar nin oo wejiga soo duubtey ayaa xildhibaankaas oo lagu magacaabo Edick Anyanga lagana soo deerto deegaanka Nyatike, waxay kusoo weerareen gurigiisa oo ku yaalla jidka Ngong ee degmada Karen.
Dhowr xabadood ayey madaxa iyo qaarka sare ee jirka kaga dhufteen, waxaana dhaawicisiisa la geeyey Aga Khan Hospital halkaasoo xilligan xaaladiisa caafimaad lagula tacaalayo.
Ilaa iyo hadda lama aqoosan kuwa weerarka geystey, balse saraakiisha booliska ayaa sheegay inay ku raad joogaan dhowr qof oo laga shekiyey.
Xildhibaanka la dhaawacayey ayaa maalmihii u dambeeyey waxay warbaahinta maxalliga ah ee Kenya aad u hadal haysey inuu musuq maasuq ku kacay islamarkaana laaluush ka qaatey mas'uuliyiin ka tirsan dowladda.
February 7, 2015 ayey ahayd markii isla magaalada Nairobi lagu diley xildhibaan ka tirsanaa barlamanka Kenya kaasoo lagu magacaabi jirey George Muchai.
GAROWE ONLINE
