Gaarisa: khasaaraha oo maraya 65 isugu jirta dhaawac iyo dhimasho
-
- Posted On 02-04-2015, 09:52AM
April 2, 2015 (GO)- Faah faahin dheeri ah ayaa kasoo baxaysa weerar goor hore oo saaka ah dabley hubeysan oo la rumeysan yahay inay Al-shabaab ka tirsan yihiin kusoo qaadeen jaamacadda Garissa ee gobolka waqooyi bari Kenya.
Af-hayeen u hadlay ururka Laanqeyrta Cas ee Kenya ayaa u sheegay BBC-da in khasaaraha weerarku marayo ilaa iyo hadda 65 qof oo isugu jira dhimasho iyo dhaawac.
Kooxda weerarka soo qaaddey ayaa weli ku jirta gudaha jaamacadda, waxayna haystaan tobannaan qof oo ardey u badan iyo qaar kamid ah macallimiintii jaamacaddaas wax ka dhigayey.
Ciidamada militeriga ayaa ku hareeraysan goobta, waxaana ilaa hadda la maqlayaa rasaas goos goos ah.
Qaar kamid ah ardeydii weerarka ka badbaadey ayaa warbaahinta uga sheekeeyey wixii arkeen, waxayna sheegeen in kooxda jaamacadda soo weerartey tiradoodu ahayd ugu yaraan shan nin oo si aad u hubeysan.
Ardeydu waxay sidoo kale sheegeen in dableydu dadka u kala saarayeen muslim iyo kuwo aan muslim ahayn.
Faah faahin dheeri ah kala soco Garowe Online...
GAROWE ONLINE
