Kiiskii ugu horreeyey cudurka Ebola oo lagu arkay dalka Britain

Image

December 30, 2014 (GO)- Dowlada Britain ayaa xaqiijisey in kiiskii ugu horreeyey ee ah qof qaba cudurka Ebola lagu arkay shalay oo Isniin ahayd magaalada Glasgow ee gobolka Scotland.

Qofka bukaanka ah oo magaciisa la qariyey waa haweeney kaalkaaliso ah taasoo kasoo safartay galbeedka Afrika gaar ahaan magaalada Kerry ee dalka Sierra Leone.

Xoghayaha caafimaadka Britain Jeremy Hunt ayaa sheegtay in la karantiilay haweeneydaas lana baadi goobayo dhammaan dadkii ay xiriirka la samaysay gaar ahaan kuwii diyaarada kula soo safray.

Laga soo bilaabo bishii March ee sanadkan 2014, waxaa cudurka Ebola u geeriyoodey in ka badan 6,000 oo qof, dadkaasoo badankoodu ku dhintay dalalka Liberia, Sierra Leone iyo Guinea. Dalalka kale ee fayruska Ebola gaarey dadkana ku diley waxaa kamid ah Nigeria,Maraykanka. 

GAROWE ONLINE

Related Articles

Shiinaha oo soo bandhigay awooddiisa ciidan xilli xiisad kala dhaxayso Mareykanka

Ciidamadeennu waa kuwo u taagan ilaalinta midnimada dhulka Shiinaha, ilaalinta danaha qaranka, iyo xasilinta gobolka.

  • Caalamka

    04-09-2025

  • 08:53AM

Trump: “Kama walwalsani isbaheysiga Shiinaha iyo Ruushka ee ka dhan ah Maraykanka”

Trump, oo ololihiisa doorashada ku saleynaya ballanqaadka inuu si degdeg ah u soo afjari doono dagaalka Ruushka ee Ukraine.

  • Caalamka

    03-09-2025

  • 06:42AM