Madaxweynaha Ukraine oo si adag u dhaliilay reer Galbeedka

Volodymyr Zelensky ayaa hadalkan sheegay xilli uu la hadlayay dadweynaha dalkiisa.

KYIV, Ukraine – Madaxweynaha Ukrain ayaa dhaleeceeyay hogaamiyayaasha reer galbeedka kadib markii ay ku adkeysteen in ay meesha ka saarayaan in dalkiisa laga hirgeliyay aag duulimaadka ka caagan.

Volodymyr Zelensky oo khudbad u jeedinayay shacabka Ukraine ayaa sheegay in hogaamiyayaasha reer galbeedka ay ogyihiin in gardarada Ruushka ee ka dhanka ah dalkaasi ay u badan tahay inay kororto, waxa uuna ku eedeeyay Vladimir Putin inay siiyeen shatiga ah in uu sii wado duqeymaha uu “ku burburinayo magaalooyinkeena”.

“Iyagoo og in duqaymo cusub iyo khasaare aan laga maarmi karin, Nato waxay si badheedh ah u go’aansatay in aanay cirka ka xidhin Ukraine,” ayuu ku yidhi khudbad muuqaal ah oo ka soo baxday xafiiskiisa Kyiv.

Wuxuu ku daray: "Maanta hoggaanka isbahaysigu wuxuu iftiimiyey iftiinka cagaaran ee duqeymaha dheeraadka ah ee magaalooyinka iyo tuulooyinka Ukraine, iyaga oo diidaya in ay sameeyaan aag duulimaadka."

Horaantii Jimcihii isagoo ku sugan Brussels, Xoghayaha Guud Jens Stoltenberg ayaa ku tilmaamay xaaladda Ukraine inay tahay "mid laga naxo", balse wuxuu sheegay in ciidamada huwanta aysan u soo dhaqaaqi doonin Ukraine labaduba –dhulka iyo cirka.

Saraakiisha reer galbeedka ayaa ku doodaya in aagga duulimaadka ka caagan uu ku qasbi doono diyaaradaha Nato inay duqeeyaan dagaalyahannada Ruushka, taasoo laga yaabo inay dhaliso dagaalkii saddexaad ee adduunka.

GAROWE ONLINE