Madaxweyne ku-xigeenka Maldives Island oo la xiray
-
- Posted On 24-10-2015, 09:52AM
24 Octobar, 2015(GO)-Madaxweyne ku xigeenka Maldives Ahmed Adeeb ayaa la xiray ka dib xilli ka soo laabtay booqasho uu ku tagay dalka China, waxaana looga shakisanyahay ku lug lahaanshaha weerar lagu qaaday dooni oo la socday madaxweyne Gaymoon.
Madaxweynaha Maldives Yameen Abdul Gayoom ayaa la weeraray 28 September, xilli uu ka yimi garoonka diyaaradaha isaga iyo xaaskiisa.
Gaymoon, ayaa falkaasi ka bad baaday balse, waxaa dhaawac soo gaaray mid ka mid ah ilaaladiisa, waxaana weerarka ka dib socday baaritaano lagu raadinayo cidda ka dambaysa, iyadoo lagu tuhmay ku xigeenkiisa.
Ku-xigeenka madaxweynaha ayaa lagu hayaa xabsi ku yaalla jasiirad ku taala Island.
GAROWEONLINE
