Mareykanka oo isku-diyaarinaya ka hortagga weerar ay qorsheyneyso Iiraan

Xukuumadda Tehran ayaa weerarkan uga jawaabeyso weerarradii Israa’iil ee Isniintii ka dhacay Dimishiq.

MUQDISHO, Soomaaliya - Maraykanka ayaa isku diyaarinaya ka hortagga weerar at Iiraan ku beegsato "hantida Ameerika iyo Isra'aiil" isla toddobaadka soo socda gudahiisa, sidda laga soo xigtey CNN.

Xukuumadda Tehran ayaa weerarkan uga jawaabeyso weerarradii Israa’iil ee Isniintii ka dhacay Dimishiq kuwaas oo lagu dilay taliyeyaal sare ee Iran, sidda uu sarkaal sare oo ka tirsan maamulka Biden u sheegay CNN.

"Saraakiisha sarsare ee Maraykanka ayaa hadda aaminsan in weerarka Iran uu yahay "lama huraan" - aragtidaas oo ay wadaagaan dhigooda Israa'iil," ayuu yiri sarkaalkaas.

Labada dawladood ayaa si caro leh uga shaqaynaya inay curyaamiyaan ka hor imaanshiyaha weerarka waxa soo socda, iyagoo saadaalinaya in weerarka Iran uu ku dhici karo dhowr siyaabood oo kala duwan.

Weerarka soo socda ee Iran ayaa ahaa mowduuca ugu weyn ee laga wada hadlay khadka taleefoonka ee Madaxweyne Joe Biden uu la yeeshay Ra'iisul Wasaaraha Israel Benjamin Netanyahu Khamiistii.

"Ilaa Jimcihii, labada dawladood ma garanayn goorta iyo sida Iran u qorsheysay inay weerarto," ayuu yidhi sarkaalku, wallow uusan caddeynin in ay markan ogaadeen macluumaadkaas.

Weerar toos ah oo ay Iran ku qaado Israa’iil ayaa ah mid ka mid ah xaaladaha ugu xun ee maamulka Biden uu ku dhiiraday, maadaama ay dammaanad qaadi doonto in ay si degdeg ah uga sii darto xaalad qalalaase ka jirtay Bariga Dhexe.

Duqeymaha noocan oo kale ah ayaa u horseedi kara in dagaalka Israel iyo Xamaas uu u balaariyo colaadda kuna sii fidiyo guud ahaan gobolka xasaradaha badan - taas oo Biden uu muddo doonayay inuu ka fogaado.

GAROWE ONLINE