Marwada Koowaad ee Mareykanka oo laga helay Covid-19
-
GAROWE ONLINE XAFIISKA MUQDISHO
- Posted On 05-09-2023, 04:09AM
WASHINGTON, Mareykanka - Aqalka Cad ayaa ku dhawaaqay in Marwada Koowaad Jill Biden uu ku dhacay Caabuqii Covid-19, iyada oo ka muuqata astaamo fudud, halka baaris lagu sameeyay Madaxweyne Joe Biden lagu ogaaday in uusan qabin cudurka.
“Ka dib markii Marwada Koowaad lagu arkay astaamihii cudurka (Covid 19), Madaxweyne Biden waxa uu maray tijaabada Covid fiidnimadii caawa. Waxana lagu ogaaday in uuu caafimaad qabo, "Aqalka Cad ayaa yiri.
Markii ugu dambeysay ee Biden xaaskiisa oo 72 jir ah laga helay xanuunka "Covid 19" waxay ahayd Agoosto sanadkii hore, halka madaxweynaha 80-jirka ah uu hore ugu dhacay cudurka bishii Luulyo 2022.
Agaasimaha isgaarsiinta ee marwada koowaad Elizabeth Alexander ayaa ku tiri hadal ay soo saartay: "Waxaa Marwada Koowaad Fiidkan lagu arkay cudurka (Covid-19). Waxayna sii joogi doontaa guriga."
GAROWE ONLINE
