Nadaafad darrada Ciidamada Israa’iil ee ku sugan Qasa oo u horseeday Cudur halis ah

Image
Israa'iil ayaa dib u cusboonaysiisay weerarka dhulka ah ee Qasa ka dib muddo toddobaad ah oo ay hakad galisay.

QASA (GO) - Wargeyska “Ynet” ee ka soo baxa Israa’iil ayaa sheegay in cudur ku dhaca mindhicirka uu ku faafay safafka ciidamada Israa’iil, isagoo xusay in ilaa 18 askari laga soo daadgureeyay marinka Qasa si ay u helaan daweyn.

Wargeysku waxa uu sheegay in ciidanka Israa’iil ay si aan caadi ahayn ula kulmayaan Cudurkas toddobaadyadii la soo dhaafay.

Wargeyska oo soo xiganaya dhakhaatiir Israa’iiliyiin ah oo ku howlan daweynta bukaannada, ayaa tilmaamay in sababta ka dambeyso cuduraddan ay tahay raashin dhacay oo askarta loogu deeqay iyo nadaafad darro.

Afhayeen u hadlay Ciidanka ayaa yiri: "18 Askari ayaa hal mar laga soo sheegay cudurkan, iyaga oo lagu arkay astaamahiisa ee ay ka mid ah Daal & Matag”.

Israa'iil ayaa dib u cusboonaysiisay weerarka dhulka ah ee Qasa ka dib muddo toddobaad ah oo ay hakad galisay, iyadoo fulinaysa xabbad joojin bini'aadantinimo oo ay garwadeen ka ahayd Qatar & Masar.

GAROWE ONLINE

 

Related Articles

Qareen: Dacwad lagu soo oogay ilaaliyaha gaarka ah ee Ilhaan ayaa loo adeegsaday raadinta xog ka dhan ah

Dacwad-oogayaasha federaalka Maraykanka ayaa bilo ku hawlanaa sidii ay xog ka dhan ah xildhibaanad Ilhaan Cumar uga heli lahaayeen….

  • Caalamka

    12-11-2026

  • 07:00AM

Qareen: Dacwad lagu soo oogay ilaaliyaha gaarka ah ee Ilhaan ayaa loo adeegsaday raadinta xog ka dhan ah

Dacwad-oogayaasha federaalka Maraykanka ayaa bilo ku hawlanaa sidii ay xog ka dhan ah xildhibaanad Ilhaan Cumar uga heli lahaayeen….

  • Caalamka

    12-11-2026

  • 07:00AM