Nigeria oo hakisay isticmaalka gadiidka iyo xoolaha
-
- Posted On 23-09-2015, 11:04PM
24 September, 2015(GO)-War ka soo baxay saraakiil ka tirsan amniga dalka Nigeria ayaa lagu sheegay inaysan dadweynuhu isticmaali karinta baabuurta iyo xayawaanka lagu safro.
Sababta ayaa Nigeria ku sheegtay inay ka cabsi qabaan weeraro Boko Xaram ka gaysato dalkaasi maalinta Khamiista oo ku beegan ciidul Adxa.
"Dhaq dhaqaaqa oo idil sida isticmaalka baabuurta, bushkuleetiyada, xayawaanka sida Fardaha, Dameeraha iyo Awrta waa la xadiday in lagu isticmaalo Maiduguri laga bilaabo 5pm maalinta Arbacada" sidaasi waxaa yiri afhayeen u hadlay ciidamada dalkaasi oo lagu magacaabo Tukur Gusau.
Sidoo kale waxaan la ogolaan doonin gawaarida ka baxda caasumadda Maiduguri iyo kuwa soo gala sida laga soo xigtay afhayeenka.
"Sidaasi si la mid ah, dhammaan baabuurta baxaysa iyo kuwa soo galaysa waxa la xadiday waqti kooban oo ku siman inta amar laga helayo"ayuu hadalkiisa sii raaciyay afhayeenku.
Arrintan ayaa timi ka dib weerar ay ku dhinteen 100 qof oo ka dhacay magalooyinka Maiduguri iyo Borno Axadii la soo dhaafay.
GAROWEONLINE
