Ruushka oo cunaqabatayn ku soo rogay Turkiga
-
- Posted On 29-11-2015, 05:26AM
29 November, 2015(GO)-Dalka Ruushka, ayaa sheegay inay cunaqabatay dhanka ganacsiga uga aargoosan doonaan tallaabadii Turkigu ku soo riday diyaarad dagaal oo ku sugnayd xadka ay wadaagaan dowladda Ankara iyo Suuriya.
Saraakiil ka tirsan Ruushka, ayaa tilmaamay inay xayiraad saari doonaan waxyaabaha Turkigu soo dhoofiyo, isla markaana joojin doonaan in ganacsiyadooda laga shaqaalaysiiyo muwaadiniinta dalkaasi.
Arrintan ayaa timi kadib markii raali galin laga dalbaday Ankara inay ka bixiso diyaaraddii soo riday.
Xukuumadda Erdogan, ayaa ka caga-jiidaysa inay u hogaansanto dalabka Moscow.
Khilaafka labada dal ayaa sii xumaaday ka dib markii la isweydaarday hadallo xanaf leh, waxaana ku lug leh waddamada faragalinta ku haya colaadda Suuriya.
GAROWEONLINE
