Ruushka oo cunaqabateyn saarey tobanaan Ameerikaan ah

Image
Talaabadan ayaa loo arkaa mid jawaab u ah xayiraadyo ay Washington horey ugu dhawaaqdey.

WASHINGTON, USA - Ruushka ayaa Isniinta maanta ah wuxuu cunaqabateyn shaqsi ah ku soo rogay 25 qof oo Ameerikaan ah, oo ay ku jiraan jilayaasha Sean Penn iyo Ben Stiller.

Talaabadan ayaa waxaa loo arkaa in jawaab u tahay xayiraadyo xooggan oo dowladda Mareykanka dul-dhigtey Ruushka sababo ku aadan duulaanka uu ku qaadey dalka Ukraine.

Xoghayaha Ganacsiga ee Maraykanka, Gina Raimondo, ayaa waxay kasoo dhex-muuqatay liiska cusub ee cunaqabataynta ee Moscow ay faafisay saacadihii lasoo dhaafay.

Si la mid ah, dhowr senator oo Maraykan ah: Mark Kelly iyo Kyrsten Sinema oo Arizona ah, Kevin Cramer ee North Dakota, Mike Round ee South Dakota, Rick Scott ee Florida, iyo Pat Toomey ee Pennsylvania ayaa ku jira liiska.

Wasaaradda Arrimaha Dibadda ee Ruushka ayaa sheegtay in kooxda, oo ay ku jiraan hoggaamiyeyaasha ganacsiga, aqoonyahannada iyo saraakiisha dawladda, laga mamnuuci doono inay si joogto ah u galaan Ruushka.

Wareegyadii hore ee cunaqabateynta Ruushka ee ka dhanka ah dadka Mareykanka waxaa ka mid ahaa Madaxweyne Joe Biden iyo xubno ka tirsan qoyskiisa, iyo sidoo kale sharci-dajiyayaal iyo hoggaamiyeyaal ganacsi.

Maraykanka ayaa cunaqabatayn saaray dad badan oo Ruush ah, oo ay ku jiraan saraakiil dawladeed iyo ganacsato. Penn iyo Stiller waxay si cad u dhaleeceeyeen duulaanka Ruushka ee Ukraine.

Penn waa dhaqdhaqaaqe ku lug leh shaqada gargaarka bini'aadanimadda ee Ukraine, iyo sababaha kale. Stiller waa danjiraha niyad-wanaagga ee Wakiilka Sare ee UN-ka ee Qaxootiga.

GAROWE ONLINE

Related Articles

Xuutiyiinta oo Gantaallo ku Weeraray Saldhigyo Militeriga oo ku yaalla Israa’iil

Kooxda Xuutiyiinta, oo sidoo kale cunaqabateyn ku haysa marinnada muhiimka ah ee Badda Cas iyo marin-biyoodka Bab al-Mandab.

  • Caalamka

    03-05-2025

  • 09:41AM

Madaxweyne Trump oo La Filayo Inuu Xilka Ka Qaado Lataliyihiisa Amniga Qaranka Michael Waltz

Michael Waltz, oo horey xildhibaan uga soo noqday gobolka Florida, ayaa…

  • Caalamka

    01-05-2025

  • 03:30PM