Rwanda oo ka bilaabanaya xuska xasuuqii loo gaystay qoomyada Tutsiga ee laga tirada badnaa

Rwanda ayaa berri xuseysaa sannad-guuradii 30-aad ee ka soo wareegtay xasuuqii Tuutsiga loo gaystay.

Kigali (GO) - Rwanda ayaa berri xuseysaa sannad-guuradii 30-aad ee ka soo wareegtay xasuuqii ay Qowmiyadda Hutu u geysteen qowmiyadda laga tirada badanyahay ee Tutsiga 1994-tii.

Xasuuqa ayaa waxaa lagu dilay in ka badan 800,000 oo qof oo isugu jira rag, dumar iyo carruur, kuwaas oo u badnaa qowmiyadda Tutsiga, iyo sidoo kale Hutu-ga ku baaqayay in la joojiyo xasuuqa.

Soddon sano ka dib, dalkan yar ayaa dib isu dhisay taliskii madaxweyne Paul Kagame, laakiin dhaxalka naxdinta leh ee xasuuqa ayaa wali laga dareemaya dalka.

7-da Abriil, oo ah maalintii ay kooxaha xagjirka ah ee Hutu iyo maleeshiyaadku bilaabeen ololahooda dilka ee foosha xun 1994-tii, waxaa xusi doona Kagame oo tooshka ku ifaya Xasuuqa Kigali, halkaas oo la rumeysan yahay in lagu aasay in ka badan 250,000 oo dhibanayaal ah.

GAROWE ONLINE