Sacuudiga iyo Xuuthiyiinta oo wadahadal uga furmay magaalada Riyadh
-
GAROWE ONLINE XAFIISKA MUQDISHO
- Posted On 16-09-2023, 03:34PM
RIYADH, Saudi - Xuuthiyiinta ayaa kuln kula yeelanaya magaalada Riyadh madaxda Sacuudiga, waxayna ka wadahadali doonaan sidii loo soo afjari lahaa dagaalka Yemen.
Tani waxay noqnoeysaa booqashadii ugu horeysay ee Xuuthiyiinta ku tagaan Riyadh tan iyo markii uu bilowday dagaalka Sacuudiga ay ku qaadday kooxda taageersan Iran.
Dhankeeda, Sacuudi Carabiya ayaa xaqiijisay goor dambe oo fiidnimadii Khamiista inay martigelinayso wafdi ka socda Xuutiyiinta oo ka wadahadli doona geeddi-socodka nabadda ee Yemen, sagaal sano kaddib markii uu dagaal ka dillaacay waddanka ugu saboolsan Jaziiradda Carabta.
Waxaa xusid mudan in dalka Yemen uu tan iyo bartamihii sanadkii hore ee 2014-ka ka socday dagaal xoog leh oo u dhexeeya Xuutiyiinta iyo dowladda, kaasi oo sababay dhimashada iyo dhaawaca boqolaal kun oo qof.
Waana xaaladdii ugu xumayd ee bini’aadantinimo ee ka dhacda caalamka, sida ay sheegtay Qaramada Midoobay.
GAROWE ONLINE
