Shacab lagu dhaawacay Ceerigaabo Sanaag
-
- Posted On 10-11-2015, 08:22PM
10 November, 2015(GO)-Ciidamada amniga magalada Ceerigaabo gobolka Sanaag ayaa rasaas nool u adeegsaday shacab dhigayay banaan bax kuwaasi oo xiray waddooyin ku yaalla magalada isla markaana gubay taayaro.
Inta la ogyahay sideed ruux ayaa dhawacmay kuwaasi oo haleeshay rasaas ka timi dhinaca ciidamada amniga oo doonayay inay soo xiraan shakhsi ka trisan ciidanka, kaasi oo loo haystay eedaymo aan la cadayn.
Dadka dhaawacmay labo ka mid ah, ayaa wararku sheegayaan inay xaaladooda caafimaad aad u adagtahay.
Askari ka tirsan ciidamada rasaasta riday, ayaa warbaahinta u sheegay in dadkaasi ka soo horjeedeen amniga, sidaa darteen tahay waajib saaran inay dowladda ka qabtaan shakhsiyaadka wada amni darada.
GAROWEONLINE
