Soomaali qiratay in ay ku biirayeen ISIL oo la musaafurinayo
-
WARIYAHA MUQDISHO GAROWE ONLINE
- Posted On 08-08-2024, 01:44PM
WASHINGTON, USA - Laba muwaadin oo Somalia ah, kuna nool magaalada Tucson gobolka Arizona ee Mareykanka, ayaa qirtay dambi ah in ay taageero maaliyadeed iyo agab u fidiyaan kooxda ISIL.
Labadan ruux ayaa lagu kala magacaabaa Axmed Mahad Maxamed oo 26 jir ah iyo Cabdi Yemeni Xuseen, oo 25 jir ah.
Sida uu sheegay Xeer Ilaaliyaha Mareykanka ee Degmada Arizona, labadan ruux ayaa ku heshiiyay inay u safraan Masar si ay uga garab-dagaalamaan Daacish gacanka Siinaay.
Qorshahooda ayaa ahaa in ay safari bilaabaan dabayaaqadii 2018 balse waxaa la xiray bishii Luulyo 26, 2019.
Xeer-Ilaaliyaha Degmada Arizona ayaa carabka ku adkeeyay in xukunka labada ruux oo diyaarada lagala soo tagay uu noqon doono in laga saaro guud ahaan dalka Mareykanka.
Sikastaba ha ahaatee, Mareykanka ayaa kamid ah dalalka ay ku nool yihiin Soomaalida ugu badan kuras oo lala xiriiriyo kooxaha argagixisada ee qaarkood ka dagaalamo Soomaaliya lana soo tarxiilo.
GAROWE ONLINE
