Tirada dadka ku dhintay daadadkii Liibya oo la xaqiijiyay
-
GAROWE ONLINE XAFIISKA MUQDISHO
- Posted On 12-09-2023, 04:42AM
TRIPOLI, Liibya - Wakaaladda wararka ee ِAnadol ayaa sheegtay in ilaa 2,800 oo qof ay ku dhinteen daadad ku soo rogmaday magaalooyinka bariga Liibiya oo ay sabab u tahay duufaanta “Daniel” ee ku dhufatay dalkaas subaxnimadii Axadda.
Warsaxaafadeed uu soo saaray Golaha madaxtinimada Liibiya ayaa lagu sheegay in magaalooyinka, Shahat, Al-bayda iyo Darna ay yihiin goobo ubaahan gurmad degdeg ah.
Warsaxaafadeedka uu soo saaray golaha ayaa lagu yiri: "Anagoo ka duulayna dhibaatadan baaxadda leh, waxaan ka codsaneynaa dalalka walaalaha iyo saaxiibada ah iyo hay'adaha caalamiga ah inay gargaar u fidiyaant."
Dhacdadan ayaa ku soo beegantay hal maalin uun ka dib dhulgariirkii ku dhuftay gobolka Al Haouz ee dalka Marooko, kaas oo ay ku dhinteen 2,800 oo qof, sida lagu sheegay tirakoobkii ugu dambeeyay.
GAROWE ONLINE
