Trump iyo Hillary oo guuleystay, Bush oo haray
-
- Posted On 21-02-2016, 07:58AM
Xoghayihii hore arr. dibadda Maraykanka Hillary Clinton oo ah musharraxa madaxtinimada xisbiga Dimoqraadiga ayaa ku guuleystay doorashada dimoqraadiga ee gobolka Nevada.
Hillary Clinton ayaa ka adkaatay Senator Bernie Sanders, waxayna heshay 52% codadka dimoqraadiga, halka Sanders uu helay 48%.
Gobolka South Caroline, musharraxa Donald Trump ee xisbiga Jamhuuriga ayaa ku guuleystay doorashada isreebreebka xisbiga jamhuuriga, isagoo helay in kabadan 32%, waxaana kaalinta labaad galay Senator Marco Robio, halka uu kaalinta saddexaad galay Senator Ted Cruz.
Musharraxa Jeb Bush oo ay walaalaha yihiin madaxweynihii hore George Bush ayaa ku dhawaaqay inuu ka haray tartanka doorashada madaxtinimada, kadib markii uu ku guuldareystay inuu kaalin fiican ka galo doorashada South Caroline.
VOA
